طرق حمصية للإخبار عن الوفيات

**Admin** الأحد فبراير 15, 2009 12:24 pm

سامر عسكري بالجيش ... توفي أبوه طلبوا من قائد سريته الحمصي أن يخبره بدبلوماسية إنو أبوه توفى.

قائد السرية وقـّف بالنص .... وحكى ' اللي أبوه عايش يروح عاليمين، واللي أبوه ميت عالشمال '
سامر وقف ع اليمين طبعا لأنه ما عرف انه أبوه مات
قائد السريه : ' سامر .... عالشمال يا حمار عالشمال '

وحده جوزها مات بحادث .... الشرطي اللي كشف على الحادث حمصي وفكر بطريقه يخبرها بأسلوب حلو حكالها :
' انتي أرملة محمد ؟؟؟ '
قالتلو ' لا '
قالها ' تشارطي ؟؟ '

وحدة ابنها مات .... جوزها بدو يخبرها بطريقته .. قلها ابنك امبارح عم يطلع على بنت الجيران من الشباك.
الام : ' الله يقصف عمره '
الاب: ' ما هو قصفه وخلص '

وحدة توفى جوزها.. أصدقاءه ما عم يعرفوا شلون بدهم يخبروها
أجا واحد منهم حمصي قال لهم حملوه وتعالوا معي وراح على بيت الميت ودق الجرس
طلعت الزوجة قالها جوزك شفتوا ماشي مع وحدة شقرا وصغيرة وحلوة و و و و
الزوجة يعدمني ياه... أن شاء الله يجيبوه محمل
الحمصي لأصدقائه: فوتوه شباب